Чоң суроо | Айтмырза Абылкасымовдун көркөм дүйнөсү Прогноз погоды

Биздин жайыт жөнүндө

  • Мында А. Абылкасымовдун жана кыргыздын таланттуу жарандарынын көркөм чыгармалары жарыяланат. Андыктан, жайытка катталып алып, анан мындагы көркөм чыгармаларды окуп, көрүп жана угуп, а тургай өзүңүздүн мыкты чыгармаларыңызды жарыялап, "Мейман китепке" жана ар бир чыгармадагы комментарийлерге өз ойлоруңузду жазсаңыз да болот. Аягында биздин жайыт туурасындагы бааңызды сурамжылоого коё кетиңиз. Алдын ала Сизге чоң ырахмат. Келип туруңуз.

    Жайытты колдоо тобу.


Адабий көркөм чыгармалардын түрү жана саны



Чоң суроо

развернуть

 Канча жолу түгөл болдум, бар болдум,

Канча жолу ың-жыңы жок жоголдум.

Канча жолу кайчы кетип жолумдан,

Канча жолу кайра баштан оңолдум.

Кээ күндөрү абдан сылык мунайым,

Кээ бир кезде орой жана чогоолмун.

 

Кээ нерсеге акыл жетпей момойдум,

Кээ бир күнү ээси болдум чоң ойдун.

Далай жолу кыл сыяктуу ничкерип,

Далай жолу аркан болуп жоонойдум.

Кээ бир кезде баш катырма табышмак,

Кээ бир кезде абдан эле оңоймун.

 

Нечен курдай ачылдым да, жабылдым,

Нечен курдай чачылдым да, табылдым.

Нечен жолу шыдыр кетип алдыга,

Нечен жолу түз жолумда чалындым.

Бир нерсени жээрип туруп бир күнү,

Эртеси эле аны кайра сагындым.

Кай биринде бир нерсени жек көрүп,

Кайра баштан өзүм ага жалындым...

.....................................................................

Мен алиге түшүнө албайм эч эле:

Мунун баары болуп өттү кечээ эле...

Эгер тагдыр жазылаары чын болсо,

Шунун баары кантип батты чекеме?!.

Же ушунча жайык бекен маңдайым,

Же ушунча кененби менде бешене?!!

8.08.2012-жыл.



0
0

Ключевые слова: Ырлар

Показать предыдущие комментарии (показано %s из %s)
Показать новые комментарии

Сын-пикирлер күзгүсү

Досторума кайрылуу!
Айтмырза Абылкасымов
Айтмырза Абылкасымов Ырахмат!

Коңшу кызга
Бауыржан Карагызулы
Бауыржан Карагызулы Тамаша!

Амандашуу
Aktilek
Aktilek Кудай башыңызды аман кылсын, эл-журтту аман кылсын! улуусун сыйлаган эл оңот. Интернет бетинде сиз …

Кош, сүйүү!..
altyn_ka@mail.ru Sultanova
altyn_ka@mail.ru Sultano… ушу ырыныз жан дуйномду антарып, уктап калган сезимдеримди козгоп жиберет го чиркин.

"Бешик ыры" жөнүндө сөз
Омурбек Салайдин
Омурбек Салайдин Бешик ырын укпагандыктан ушулар болуп жатат го??


Адабий көркөм чыгармаларды издөө